பட்டினப்பாக்கம் உல்லாசவிடுதியில் துணை நடிகர்கள் வழக்கறிஞர் கஞ்சா போதையில் ஆடல் பாடலில் சம்மந்தப்பட்டவர்கள் கைது..

சென்னை:
​சென்னை எம்​ஆர்சி நகரில் உள்ள பிரபல​மான ஓட்​டலில் கஞ்சா விருந்து நடப்​ப​தாக பட்டினப்பாக்கம் காவல் நிலையத்திற்கு ரகசிய தகவல் கிடைத்தது.
இதனைத்தொடர்ந்து சம்​பந்​தப்​பட்ட ஓட்​டலுக்​குள் காவல்துறையினர் திடீரென நுழைந்து அறை​களைப் பார்​வை​யிட்​டனர். அப்​போது ஓர் அறை​யில் இளைஞர்​கள் கும்​பலாக சினிமா பாடல்​களை ஒலிக்​க​விட்டு நடனம் ஆடிக்கொண்​டிருந்​தனர். அவர்​களிடம் விசா​ரித்​த​போது, அவர்​கள் கஞ்சா போதை​யில் நடன​மாடியது தெரிய​வந்​தது. இதையடுத்து அங்கு கொண்​டாட்​டத்​தில் ஈடு​பட்​டிருந்த சென்னை சூளை ஜெகதீஸ்​வர்​(வயது 34), கொளத்​தூர் சந்​தோஷ்(வயது 27), அம்​பத்​தூர் தீபக்​(வயது 27), காமேஷ்(வயது 25), புழல் சூரப்​பட்டு அக்சய் ராஜீ(வயது 21), திரு​வள்​ளூர் ரோகித்​(வயது 21), கிருஷ்ணபரிக்​(வயது 20), ஜிலான் (வயது 28), சரத்​கு​மார்​(வயது 32), பூந்​தமல்லி மதன்​கு​மார்​(வயது 29) ஆகிய 10 பேரையும் காவல்துறையினர் கைது செய்து காவல் நிலை​யம் அழைத்​துச் சென்​றனர். அவர்​களிட​மிருந்து கஞ்​சா, உயர் ரக கஞ்சா ஆயில் பறி​முதல் செய்​யப்​பட்​டன. விசா​ரணை​யின் போது கைது செய்​யப்​பட்ட ஜெகதீஸ்​வர் கடந்த சில நாட்​களுக்கு முன்​னர் காதல் திரு​மணம் செய்​துள்​ளார். இதைக் கொண்​டாடும் வகை​யில் அவர் நண்​பர்​களுக்கு ஓட்​டலில் விருந்து வைத்​துள்​ளார். அப்​போது கஞ்சா பயன்​படுத்​தப்​பட்​டுள்​ளது. ஜெகதீஸ்​வர் சினி​மா​வில் நடித்​துள்​ளார் எனவும் அவருடன் கைதானவர்​களில் சிலர் வழக்​கறிஞர், யூடியூபர், பிசி​யோதெரபி உட்பட பல்​வேறு பணி​களைச் செய்​து​வரு​வது தெரிய​வந்​த​தாக காவல்துறையினர் தெரி​வித்​தனர்​.